آخر الاخبار
الرئيسية / مقالات / إلى شلال وادارة أمن عدن .. الحل بسيط

إلى شلال وادارة أمن عدن .. الحل بسيط

 

✍🏻 : نوار ابكر ..

 

 

نتفق تماما ونجزم بذلك ان امن عدن لايسيطر على ١% بمناطق الصراع في السيلة والمحاريق نعم كلنا نتفق على ذلك..

ولكن التبرير لحالة الصراع والاقتتال الحاصل بين طرفين بسبب عدم بسط سيطرة الامن على تلك المنطقة هنا الخطأ وخطأ فادح ولا يصدر من شخص عاقل من وجهة نظري !!!

باعتقادي لو كانت ادارة امن عدن مؤهلة بشكل صحيح كان على الاقل ستعمل على تشكيل لجنة تهدئة وفض النزاع وذي سهل جدا ببساطة اتصال واجتماع ووضع نقاط مشتركة وينتهي كل دا يعني مثلا مافيهاش حاجة لو اتصل شلال بامجد خالد او بالبوكري وقله تعال يااخي ايش حاصل طيب كيف نوقف كل ذلك على فكرة شلال مابيكونش خائن والله لان دا بصميم عمله ..

مافيهاش حاجة لو ادارة امن عدن تصدر بيان حتى عادي ممكن يكون قبل صلاة الفجر بنص ساعة توضح ايش الي حاصل !!!

مش ضروري الحل يكون بالسلاح في كثير امور حلها يكون بالتفاهم وعادي جدا لو جلست مع طرف انت وهو مش سدة بس عشان في حاجة اسمها عدن وفي ناس كل يوم بيتقاتلوا عادي جدا لو جلست معاهم عشان تحلوا المشكلة لان دا من صميم عملك ولو بتجلس تتحامق وتقفي وتقول لا دي المنطقة مش تحت سيطرتي وانا ماليش دخل فهنا انت تخون الثقة الي منحك كل مواطن وتخون الامانة الي على عاتقك والي قلت بيوم من الايام انك ستحمي كل شبر في عدن !!!

يعني لو بكرة او بعده المنطقة دي مثلا دخلتها جماعة ارهابية واعلنتها امارة .. بتقول ماليش دخل ؟!!