آخر الاخبار
الرئيسية / فن وابداع / اقدار ومكاتيب

اقدار ومكاتيب

✍🏻 : محمد سالم الاحمدي

 

احب ذاك اللي هجرني ولاعاد
واقدار ربي عن سماه ابعدوني

حبك بقلبي يالغلا مانقص زاد
رغم البعاد ورغم خيبة ظنوني

ياكم دواء غيرك خذيته ولا فاد
وكم عرب من قبضتك ما اطلقوني

في واد انا وحشودهم ساكنه واد
يدعوا ولا اسمع في الهوى من دعوني

وامسوا بدربي يعلنوا ضدك اجهاد
واستقتلوا فيّه ولا حرروني

وامسى بقلبي لك مداميك و اوتاد
وانت الوحيد اللي عيونه خذوني

واطلقت رجلي صوب دربك وانا جاد
واحلام قلبي والمنى يسبقوني

ولا منعني عنك او ردني راد
الا مكاتيب السماء قيدوني

واليوم يالمحتلني روح وفؤاد
لايشغلك حزني وقسوة طعوني

واحيى حياتك كيف ماخالقك راد
حتى ولو فيما كتب لك منوني

ولو جمعنا الله على غير ميعاد
بتقول لك بلسان قلبي عيوني:

الله كتبني لك على البعد منقاد
والله كتب لك درب تسعاه دوني